- Advertisement -
Тошкентда метрополитен ходими пора билан ушланди. У фуқаронинг ишончига кириб, уни ишга жойлаб қўйишни ваъда қилган. Бу ҳақда Тошкент метрополитени матбуот хизмати хабар берди.
Маълум қилинишича, «Тошкент метрополитени» ДУК «Ҳаракат» хизмати ходими Х.Н. исмли шахс фуқаро Д.М.нинг ишончига кириб, уни 2 млн сўм эвазига ишга жойлаб қўйишга келишган.
Натижада ундан 1 млн сўм миқдорда пора олаётган вақтида, ашёвий далиллар билан қўлга олинган.
Х.Н. га нисбатан ҳуқуқни муҳофаза қилувчи органлар томонидан ЖКнинг 168-моддасининг 3-қисми “б” банди билан жиноят иши қўзғатилиб, гумонланувчи ўрнатилган тартибда ҳибсга олинган.
