«Ўзгидромет» дам олиш кунлари учун об-ҳаво маълумотини эълон қилди.
Маълум қилинишича, бугун кундузи Ўзбекистон ҳудуди бўйича об-ҳаво булутли бўлади, ёғингарчилик бўлмайди. Ҳарорат 8-13 даража илиқ, шимолда 0-5 даража илиқ бўлади.
Эртага, 8 декабрь куни республиканинг кўпчилик ҳудудларида баъзи жойларда ёмғир ёғади, фақат Қорақалпоғистон Республикаси, Хоразм, Сурхондарё вилоятлари ва Фарғона водийси вилоятларида ёғингарчилик кутилмайди. Ҳаво ҳарорати кечаси 0-5 даража илиққача, кундузи 5-10 даража илиққача, шимолда кечаси 2-7 даража совуққача, кундузи 0-2 даража совуққача пасаяди.
9 декабрь, шанба куни ёмғир ва қор кўринишидаги ёғингарчилик фақат Ўзбекистоннинг марказий ва шарқий ҳудудларида сақланиб туради.
8-9 декабрь кунлари тоғли ҳудудларда ёғингарчилик — асосан қор шаклида бўлади, баъзи жойларда ёғингарчилик кучли бўлади.
8-9 декабрь кунлари республика бўйича баъзи жойларда шамол 15-20 м/с гача кучайиши кутилмоқда
10 декабрь — якшанба куни республиканинг кўпчилик ҳудудларида ёғингарчилик кутилмайди, Қорақалпоғистон Республикаси ва Хоразм вилоятида баъзи жойларда бироз қор ёғади. Ҳаво ҳарорати шанба куни кечаси 0-5 даража илиқ, кундузи 3-8о илиқ, якшанба куни кечаси 2 даража совуқдан 3 даража илиққача, кундузи 5-10 даража илиқ атрофида бўлади.
Республика шимолида дам олиш кунлари кечаси 5-10 даража совуққача, кундузи 0-5 даража совуққача бўлади.
Кейинги ҳафтанинг биринчи ярмида совуқ республиканинг барча ҳудудларини қамраб олади. Ҳаво ҳарорати кечалари 8-13 даража совуққача, кундуз кунлари 3-8 даража совуққача пасаяди. Республика шимолида ҳарорат кечалари 15-20 даража совуққача, кундуз кунлари 7-12 даража совуққача пасаяди.
Пойтахтимизда: 7 ва 10 декабрь кунлари ёғингарчилик кутилмайди, 8 декабрда куннинг иккинчи ярмида ёмғир ёғади, 9 декабрда вақти-вақти билан ёғингарчилик (ёмғир, қорга айланиши мумкин) бўлади. Ҳарорат 7 декабрда 9-11 даража илиқ, 8-10 декабрда кечаси 0-5 даража илиқ, кундузи 4-9 даража илиқ бўлади.
