Бу ҳақда АОКАда ўтказилган брифингда Оила ва хотин-қизлар қўмитаси ахборот хизмати раҳбари Саодат Боймирзаева маълум қилди.
14 296 та оилани яраштиришга, 16 843 та низони бартараф этишга эришилган. Низо бартараф этилмаган 1 444 та оилада зўравон шахсларни тузатиш дастуридан ўтказиш ишлари амалга оширилмоқда.
8 527 та ҳимоя ордерлари бўйича маъмурий ёки жиноий жавобгарлик белгиланиб, хотин-қизларнинг бузилган ҳуқуқлари тикланди.
Жорий йилнинг 10 ойи давомида 41 583 та оилавий ажримлар қайд этилган. Жойларда ажримларнинг олдини олиш мақсадида маҳаллаларда “Низоли оилалар билан индивидуал ишлаш тартиби” жорий этилди.
Жамоатчилик вакиллари хамкорликда низоли оилалар билан якка тартибда ишлаш орқали 24 193 нафар ажрим ёқасига келиб қолган оилалардан 20 265 нафари яраштирилди.
“Хотин-қизлар тадбиркорлик марказлари” томонидан 2023-йилнинг 10 ойи давомида 90 336 нафар ишсиз хотин-қизлар касб-ҳунарга ва тадбиркорликка ўқитилди.
