Ижтимоий тармоқларда бир аёлнинг уч нафар ёш болаларга бензин сепиб ёқиб юбориш билан таҳдид қилаётган аёлнинг видеоси тарқалди.
Болалар омбудсманининг дастлабки маълумотларга кўра, мазкур ҳолат Хоразм вилояти, Ургенч туманида бўлган. Ҳозирда бу ҳолатни тўла аниқлаш бўйича ички ишлар органлари томонидан зудлик билан суриштирув ишлари олиб боришга киришилган ва Болалар омбудсманининг алоҳида назоратига олинган.
«Болаларга нисбатан бундай жиноий ҳаракатлар уларнинг ота-онаси ёки бошқа яқин қариндошлари томонидан содир этилишидан қатъий назар, айбдор шахсларни қонунда кўзда тутилган жавобгарликка тортиш чоралари кўрилиши таъминланади. Боланинг ҳаёти ва соғлиғи давлат ҳимоясидадир!
Ҳолат бўйича қўшимча маълумот берилади», — дейилади муносабатда.
