НАТОнинг собиқ бош котиби Андерс Фог Расмуссеннинг айтишича, агар Киев Вилнюсдаги саммитда ҳақиқий хавфсизлик ва аъзолик кафолатларини олмаса, НАТОнинг айрим давлатлари Украинага ҳар бир ҳолат бўйича қўшин жўнатишни исташи мумкин.
У “Агар Украина Вилнюсда ҳеч нарса олмаса”, Полша коалиция тузиш ҳақида жиддий ўйлашини истисно этмайди. Унинг сўзларига кўра, Польшадан кейин Болтиқбўйи мамлакатлари ўз қўшинларини киритиши мумкин бўлади.
Расмуссеннинг сўзларига кўра, Украинага ёзма кафолатлар разведка маълумотлари алмашинуви, қўшма машғулотлар, ўқ-дорилар ишлаб чиқаришни кенгайтириш, НАТО билан ҳамкорлик ва қурол етказиб беришни қамраб олиши керак.
Шу билан бирга, собиқ бош котибнинг фикрича, Украинанинг НАТОга аъзолиги масаласи ҳали ҳам “Вилнюсдаги саммитда кўтарилади”. Расмуссен ўз позициясини қўллаб-қувватлаб, “бир қанча Шарқий Европа етакчилари билан гаплашганини, Украинанинг НАТОга аъзо бўлиши учун ҳеч бўлмаганда аниқ йўл бўлишини истайдиган Шарқий Европа ва Марказий Европадаги бир гуруҳ ашаддий иттифоқчилар борлигини” таъкидлади.
