«Кўприк остида гиёҳванд моддаларни олмоқчи бўлганимда, орқамдан қўл ушлаб олганини ҳис қилдим. Бу Толибон эди. Улар бизни олиб кетиш учун келган эди».Муҳаммад Умар Толибон аскарлари Кобул ғарбидаги Пул-э-Сухта кўпригида кутилмаганда пайдо бўлган пайтни эслайди.
Қаттиқ исломий гуруҳ 2021-йил августида ҳокимиятга қайтишидан анча олдин, бу ҳудуд гиёҳвандлар учун машҳур жой эди.Сўнгги ойларда Толибон юзлаб эркакларни пойтахт бўйлаб – кўприкдан, боғлардан ва тепаликлардан тўплашди. Уларнинг аксарияти AҚШнинг собиқ ҳарбий базасига олиб кетилган ва у вақтинчалик реабилитация марказига айлантирилган.
Aфғонистон дунёдаги гиёҳвандлик пойтахти. Халқаро наркотикларга қарши кураш ва ҳуқуқни муҳофаза қилиш бюроси маълумотларига кўра, тахминан 40 миллион аҳолиси бўлган мамлакатда тахминан 3,5 миллион киши гиёҳвандликка мойил.
