Бўрон туфайли бир киши ҳалок бўлди ва яна ўнлаб одамлар яраланди.Маҳаллий ўт ўчириш бўлими маълумотларига кўра, маҳаллий вақт билан соат 19:55да (БСТ 01:05) том қулаган пайтда Белвидередаги Aполлон театрида 260 га яқин одам бўлган
Ўт ўчириш бўлими бошлиғи Шон Шадлнинг айтишича, беш кишининг аҳволи оғир.Жума куни AҚШнинг бир қанча штатларида бир қатор кучли торнадолар жами камида тўрт кишининг ҳаётига зомин бўлди.Жануб ва Ўрта Ғарбнинг баъзи қисмларида катта зарар кўрилгани хабар қилинган – Aрканзас ва Миссури штатларида фавқулодда ҳолат эълон қилинган. Ўн минглаб одамлар электрсиз қолди.
Aрканзас штатининг пойтахти Литл-Рокда кучли торнадо автомобилларни ағдариб юборди, томларни синдирди ва дарахтларни ағдарди. Маҳаллий расмийлар бир киши ҳалок бўлганини, шаҳар мери эса камида 24 киши яраланганини маълум қилган.
Штат губернатори Сара Хаккаби Сандерс Литл-Рокдан 100 миля (170 км) узоқликда жойлашган Уинн шаҳрида икки кишининг ўлимини тасдиқлади.AҚШ ҳукуматининг бўронларни башорат қилиш маркази маълумотларига кўра, жума куни кечқурун олтита штатда 40 дан ортиқ торнадо ҳақида хабар берилган.
