Chevrolet Spark, Nexia va Cobalt 2020-йил 15-июндан General Motors билан тузилган келишув доирасида Россияда Чевролет русумли оммавий автомобил сегменти сотувини бошлади. Бу ҳақда компания томонидан маълум қилинди.
Хабар берилишича, россиялик харидорларга тақдим этиладиган илк моделлар Chevrolet Spark, Nexia ва Cobalt бўлади.
General Motors ва UzAuto Motors томонидан эришилган келишув шартларига кўра, ушбу моделлар Беларус ва Қозоғистоннинг экспорт бозорларида ҳам сотилмоқда.
Маълум қилинишича, Chevrolet Spark 1,25 литр сиғимли (85 от кучи) двигател ва автоматик узатма билан жиҳозланган. Модел учта комплектатсияда мавжуд: ЛС АТ, ЛТ АТ ва ЛТЗ АТ. Нархи 719 900 рублдан (тахминан 10 284 доллар — таҳр.) бошланади.
Шунингдек, 1,5 литр (105 от кучи) сиғимли двигателига эга Chevrolet Nexia тўрт комплектатсияда тақдим этилган: ЛС МТ, ЛТ МТ, ЛТ АТ ва ЛТЗ АТ. Нархи 699 900 рублдан (тахминан 9998 доллар — таҳр.) бошланади.
Chevrolet Cobalt 1,5 литр сиғимли ва 106 от кучига эга двигател билан жиҳозланган бўлиб, тўрт комплектатсияда мавжуд: ЛС МТ, ЛТ МТ, ЛТ АТ ва ЛТЗ АТ. Нархи 749 900 рублдан (тахминан 10 712 доллар — таҳр.) бошланади.
Аввалроқ UzAuto Motors автомобилларини Chevrolet бренди остида экспорт қилишни бошлаши ҳамда Россия ва МДҲ мамлакатларида Равон бренди остида автомобиллар савдоси 2020-йилнинг ўрталарига келиб тўхташи маълум қилинганди. Май ойининг бошида Chevrolet моделларининг Россия бозорларида сотувга чиқиш муддати кечиктирилгани хабар қилинди.
Манба: Ўзбекистон 24
