- Advertisement -
Шимолий Корея пайшанба куни Япон денгизига битта қисқа масофали баллистик ракета учирди. Бу ҳақда Корея Республикаси Қуролли кучлари штаб бошлиқлари қўмитасига таяниб, “Yonhap” агентлиги хабар берди.
Айтилишича, ракета маҳаллий вақт билан соат 10.48 атрофида Канвондо вилоятидаги Вонсан ҳудудидан амалга оширилган. Парвоз ҳақидаги қолган маълумотлар таҳлил қилинмоқда.
КХДР охирги марта 9 ноябрь куни Япон денгизига баллистик ракета учирган эди.
Аввалроқ КХДР раҳбари Вашингтон ва унинг иттифоқчиларининг минтақадаги ҳарбий фаоллигига қаттиқ жавоб беришга ваъда берган эди.