«Ургут туманида «Ҳизб ут-Таҳрир» террористик ташкилотининг 6 нафар аъзоси қўлга олинди», дея хабар бермоқда Самарқанд вилояти ИИБ.
Хабарда улар орасида муқаддам «террористик ташкилот ғояларини тарғибот қилгани боис жазога маҳкум қилинган шахслар» борлиги аниқлангани таъкидланади.
Бироқ расмий хабарда бу шахсларнинг айнан қандай фаолият билан шуғулланиб келганига ойдинлик киритилмаган.
Ўтган ҳафтадан бери ҳуқуқ-тартибот органлари «экстремистик» ёки «террорчи ташкилотлар таъсирига тушиб қолган шахслар» қўлга олингани ҳақида, камида, икки бор хабар тарқатган.
Хусусан, 10 июнь куни Самарқанд вилоят ИИБ «Самарқанд шаҳрида Яқин Шарқдаги террористик ташкилотлар таъсирига тушиб қолган шахслар аниқланди», дея хабар берган.
16 июнь куни Сирдарё вилоятида «экстремистик ва террорчи ташкилотлар аъзоларининг таъсирига тушиб қолган 20 киши аниқлангани» маълум қилинган, дед хабар тарқатди ВВС.
