Абитуриентларнинг педагоглик касбига лаёқати аниқланади. Бу ҳақда Ўзбекистон Республикаси Вазирлар Маҳкамасининг тегишли қарор лойиҳасида айтилган.
Ҳужжат билан абитуриентларнинг педагоглик касбига лаёқатини аниқлаш 2021/2022 ўқув йилидан бошлаб 5 июндан 5 июлга қадар Халқ таълим вазирлиги, Олий ва ўрта махсус таълим вазирлиги ва Мактабгача таълим вазирлигининг қарорлари (буйруқлари) билан ҳудудлар ҳамда олий таълим муассасаларида тузиладиган Махсус комиссиялар томонидан амалга оширилади.
Махсус комиссиялар қуйидаги вазифаларни амалга оширади:
• педагогика таълим соҳасининг бакалавриат таълим йўналишларига ўқишга қабул қилиш жараёнида абитуриентларнинг педагоглик касбига лаёқати даражасини аниқлаш учун экспертлар таркибини тасдиқлаш;
• абитуриентларнинг педагоглик касбига лаёқати даражасини аниқлаш учун саволлар базасини шакллантириш;
• педагогик лаёқатни баҳолаш бўйича тасдиқланган саволлар базаси асосида вариантланган саволлар тўплами(билетлар)ни тасдиқлаш;
• абитуриентларнинг суҳбатга жалб этиш жадвалини тасдиқлаш ва эълон қилиш.
