- Advertisement -
9 ноябрь куни «Ўзбекистон темир йўллари» бошқаруви раиси Зуфар Нарзуллаев Польша давлат темир йўллари (PKP) раҳбари Алан Беруд бошчилигидаги делегация билан учрашди.
Маълум қилинишича, томонлар юк ташиш ҳажмини ошириш ва рақобатбардош тарифлар асосида мунтазам контейнер поездлари қатновини йўлга қўйиш масалаларини муҳокама қилган.
Шунингдек, қурилаётган «Хитой – Қирғизистон – Ўзбекистон» темир йўли келгусида Евроосиёда юк етказиб бериш муддатларини қисқартириши ва янги транзит имкониятларини яратиши қайд этилди.
Учрашув якунида юк ва мультимодал ташувларни кенгайтиришга қаратилган ҳамкорлик меморандуми имзоланди.
