Зироат Мирзиёева глобал соғлиқни сақлаш соҳасидаги нуфузли мукофот билан тақдирланди. Ўзбекистон Биринчи хоними, «Замин» халқаро жамоат фонди Васийлик кенгаши раиси Зироат Мирзиёева Жаҳон соғлиқни сақлаш ташкилотининг (ЖССТ) «WHO Director-General’s Award 2026» нуфузли мукофотига сазовор бўлди.
2019 йилда таъсис этилган ушбу мукофот ҳар йили ЖССТ Бош директори томонидан аҳоли саломатлигини сақлашда алоҳида етакчилик кўрсатган ва аниқ натижаларга эришган саноқли шахсларга шахсан топширилади. Зироат Мирзиёеванинг онкологик касалликларга чалинган болаларга тиббий ёрдам кўрсатиш тизимини ривожлантиришдаги ҳиссаси ҳамда ҳар бир боланинг соғлом ҳаёт ва таълим олиш ҳуқуқини глобал даражада илгари суришдаги хизматлари юқори баҳоланди. ЖССТ Бош директори Тедрос Аданом Гебреисус Биринчи хонимни дунёдаги барча болалар, айниқса саратон билан курашаётган мижозлар манфаатларининг ҳақиқий ҳимоячиси деб атади. Илгари бу мукофотга Нобель мукофоти лауреатлари ва дунёнинг атоқли арбоблари лойиқ кўрилган эди.
