- Advertisement -
Россиядан Ўзбекистон, Тожикистон, Озарбайжон ва ЕОИИ мамлакатларига 1 миллион рублдан ортиқ нақд пул олиб чиқиш тартиби мураккаблаштирилди.
Эндиликда ушбу миқдордаги маблағни мамлакатдан олиб чиқиш учун нақд пул банк ҳисобидан ёки омонатдан ечиб олинганини тасдиқловчи банк кўчирмаси талаб этилади. Шунингдек, банк кўчирмаси ўрнига кредит ёки қарз шартномаси каби бошқа тасдиқловчи ҳужжатлар ҳам қабул қилинади.
Бундан ташқари, ушбу миқдордаги нақд пул билан парвоз қилиш фақат Россиянинг белгиланган 17 та аэропорти (шу жумладан Москва, Архангельск, Калининград, Маҳачқалa ва бошқалар) орқали амалга оширилиши мумкин. Белгиланган қоидалар бузилган тақдирда, 1 миллион рублдан ортган маблағ мусодара қилиниши мумкин.
