Мижозни 5,7 минг доллари учун ўлдирган банк ходими 18 йилга қамалди

Банкка автокредит расмийлаштириш учун келган мижознинг ёнидаги 5,7 минг АҚШ долларига кўз тиккан банк ходими уни қасддан ўлдирганликда айбдор деб топилиб, 18 йилга озодликдан маҳрум қилинди.

Суд материалларига кўра, ходим мижозни овлоқ жойга олиб бориб ўлдирган, жасадини автомобиль ичига жойлаштирган ва ҳеч нарса бўлмагандек иш жойига қайтиб, кечгача ишлаган. Кечки пайт эса жасадни Фарғона каналига ташлаб юборган. Мижознинг жасади орадан 6 кун ўтиб топилган.