17 сентябр куни Тошкент шаҳрида Cbondsнинг “Ўзбекистон Республикаси капитал бозори” VIII халқаро конференцияси бўлиб ўтди.
Конференцияда бозор ликвидлигини ошириш, янги молиявий инструментларни жорий этиш, хорижий капитални жалб қилиш, шунингдек, исломий молия, сукук, рақамли активлар ва токенизация каби йўналишлар муҳокама қилинди.
“Тошкент” Республика фонд биржаси раиси в.в.б. Файзулла Ташов ялпи сессияда корпоратив облигациялар бозори, хорижий инвесторлар иштироки ва Биржанинг таҳлилий маълумотлар инфратузилмасини ривожлантириш режалари ҳақида сўз юритди.
2024 йилдан 2026 йилнинг август ойи якунига қадар 39 та эмитент 73 та корпоратив облигация чиқарган, уларнинг умумий ҳажми 7,86 трлн сўмни ташкил этган. Хорижий инвесторлар эгалигидаги облигациялар ҳажми эса 1,89 трлн сўмга етган.
Шунингдек, Биржанинг бозор, молиявий ҳисобот ва савдо маълумотларини ягона тизимда бирлаштиришга қаратилган “Tashkent Stock Exchange бозор маълумотлари” лойиҳаси тақдим этилди.
