Ўзбекистон Президенти Шавкат Мирзиёев 11 сентябрь куни Вьетнамнинг ROX Group инвестиция гуруҳи асосчиси Ань Туан Чан билан учрашув ўтказди.
Томонлар ўзаро манфаатли ҳамкорликни ривожлантириш ва Ўзбекистонда янги инвестициявий лойиҳаларни амалга ошириш масалаларини муҳокама қилдилар.
1996 йилда ташкил этилган ROX Group Вьетнамнинг йирик кўп тармоқли инвестиция гуруҳларидан бири ҳисобланади. Компания кўчмас мулк, энергетика, банк, меҳмонхона бизнеси ва хизматлар соҳаларида фаолият юритади.
Ҳамкорликнинг устувор йўналишлари сифатида замонавий шаҳар ва саноат инфратузилмасини ривожлантириш, қайта тикланувчи энергетика, геология, молия сектори ва туризм белгиланди.
Учрашув якунлари бўйича ROX Group иштирокида амалга оширилаётган ва янги лойиҳаларни келишилган «йўл харитаси» асосида жадаллаштириш бўйича келишувга эришилди.
