Бугун Ўзбекистонда асосан қуруқ ва иссиқ об-ҳаво сақланиб қолади. Ўзгидромет маълумотларига кўра, мамлакатнинг аксарият ҳудудларида ёғингарчилик кутилмайди.
Тошкентда кечаси ҳарорат 18–20°C, кундузи 35–37°C бўлади. Шарқий шамол сониясига 3–8 метр тезликда эсади.
Тошкент, Самарқанд, Жиззах ва Сирдарё вилоятларида кечаси 17–22°C, кундузи 32–37°C бўлади. Шарқий шамол 7–12 м/с тезликда эсади. Айрим жойларда шамол тезлиги 13–18 м/с гача, баъзи ҳудудларда эса 20–22 м/с гача кучайиши мумкин. Айрим жойларда чанг-тўзонли позёмка кузатилади.
Бухоро ва Навоий вилоятларида кундузи ҳарорат 35–40°C гача кўтарилади. Қашқадарё ва Сурхондарё вилоятларида ҳам ҳарорат 35–40°C атрофида бўлади.
Қорақалпоғистон ва Хоразм вилоятида кундузи 33–38°C иссиқ бўлади. Шарқий шамол 13–18 м/с гача кучайиши ва чанг-тўзонли позёмка кузатилиши мумкин.
Андижон, Наманган ва Фарғона вилоятларида кундузи ҳаво 32–37°C гача исийди. Шарқий шамол 5–10 м/с тезликда эсади.
Мамлакатнинг тоғли ҳудудларида ҳаво анча салқин бўлади: кечаси 12–17°C, кундузи 25–30°C.
Синоптиклар айрим ҳудудларда кучли шамол қуруқ об-ҳаво билан бирга ҳавонинг чангланишига олиб келиши мумкинлигидан огоҳлантирмоқда.
