Ўзбекистон Президенти Шавкат Мирзиёев АҚШ Президенти Дональд Трампга анъанавий ўзбек айвонларини совға қилди. Бу ҳақда The New York Times хабар берди.
Ўзининг безакли ёғоч ўймакорлиги билан машҳур бўлган айвонлар Вашингтондаги West Potomac Park ҳудудига ўрнатилиши режалаштирилмоқда. Трамп маъмурияти айнан шу ҳудудда Америка қаҳрамонларининг миллий боғини барпо этишни режалаштирмоқда.
Нашр маълумотларига кўра, сўнгги кунларда Тошкентдан жўнатилган йирик қутилар ортилган юк машиналари боғ ҳудудига келган. АҚШ Ички хавфсизлик вазирлиги совға топширилганини тасдиқлаган.
Трамп совғани Америка халқи номидан қабул қилган.
Ўзбек айвонларини ташриф буюрувчилар шу куздаёқ кўриши мумкин.
Америка қаҳрамонларининг миллий боғи лойиҳаси ҳозирча ишлаб чиқиш босқичида. Режага кўра, боғ ҳудудига америкалик машҳур шахсларнинг 250 га яқин тўлиқ ҳажмдаги ҳайкаллари, шунингдек, бассейнлар, ресторанлар ва амфитеатр жойлаштирилиши мумкин.
