Ўзбекистонда лойиҳаларнинг атроф-муҳитга таъсирини баҳолашнинг янги тартиби жорий этилади. Бу Вазирлар Маҳкамасининг тегишли қарорида белгиланган.
Янги механизм доирасида скрининг ва скоупинг тизимлари ишлайди.
Скрининг босқичида режалаштирилаётган лойиҳанинг атроф-муҳитга экологик хавф туғдириши ёки туғдирмаслиги аниқланади.
Агар лойиҳа экологик хавф билан боғлиқ бўлса, у кейинги скоупинг босқичига йўналтирилади. Ушбу босқичда лойиҳанинг экологик таъсири бўйича зарур масалалар аниқланиб, экологик экспертиза учун асосий йўналишлар белгиланади.
Экологик хавф мавжуд эмаслиги аниқланган тақдирда эса жараён қўшимча босқичларсиз якунланади. Бундай ҳолатда тадбиркорга бир иш куни ичида расмий жавоб юборилади.
Янги тизим лойиҳаларни экологик хавфига қараб саралаш, экспертиза жараёнларини самарали ташкил этиш ва тадбиркорлар учун ортиқча маъмурий жараёнларни қисқартиришга қаратилган.
