Ўзбекистонда қимматли қоғозлар бозорида инвестиция воситачиси сифатида фаолият юритган «Тошкент Инвестиция Мажмуи» МЧЖнинг лицензияси бекор қилинди.
Маълум қилинишича, қарор «Лицензиялаш, рухсат бериш ва хабардор қилиш тартиб-таомиллари тўғрисида»ги Қонуннинг 33-моддаси ҳамда қимматли қоғозлар бозорида инвестиция воситачиси ва инвестиция активларини ишончли бошқарувчи фаолиятини лицензиялаш тартиби тўғрисидаги низомнинг 49-бандига мувофиқ қабул қилинган.
Шунга кўра, мазкур жамиятга 2023 йил 16 августда берилган №1424-сонли лицензия 2026 йил 29 июлдан бошлаб амал қилишдан тўхтатилди.
Шунингдек, Ўзбекистон Республикаси Истиқболли лойиҳалар миллий агентлиги расмий веб-сайтида қимматли қоғозлар бозорининг профессионал иштирокчилари реестрига тегишли ўзгартишлар киритилди.
