Ўзбекистон Президенти Шавкат Мирзиёевнинг фармонига мувофиқ, Олий Мажлис Сенати раиси Танзила Нарбаева «Эл-юрт ҳурмати» ордени билан тақдирланди.
Юксак давлат мукофоти Танзила Нарбаевага давлат ва жамоат бошқаруви соҳасидаги кўп йиллик самарали меҳнати, парламент фаолиятини ривожлантиришга қўшган салмоқли ҳиссаси, Янги Ўзбекистонда демократик ислоҳотларни изчил амалга ошириш ҳамда миллий давлатчиликнинг ҳуқуқий асосларини мустаҳкамлашдаги хизматлари учун берилди.
Фармонда унинг инсон шаъни ва қадр-қимматини ҳимоя қилишга қаратилган устувор вазифаларни амалга ошириш, хотин-қизларнинг жамиятдаги ўрни ва мақомини юксалтириш, ёшларни ватанпарварлик, миллий ва умуминсоний қадриятларга ҳурмат руҳида тарбиялаш, шунингдек, мамлакат ижтимоий-сиёсий ҳаётидаги фаол иштироки алоҳида эътироф этилган.
Танзила Нарбаева давлат мукофоти билан 70 йиллик юбилейи муносабати билан ҳам тақдирланди. Президентнинг мазкур фармони 2026 йил 24 июль куни имзоланган.
