- Advertisement -
7-9 август кунлари Хоразм вилоятининг Хива шаҳрида анъанавий «Қовун сайли» фестивали бўлиб ўтади. Тадбирлар Ичан-қалъа давлат музей-қўриқхонаси ҳамда «Арда Хива» мажмуаси ҳудудида ташкил этилади.
Фестиваль доирасида Хоразм вилояти шаҳар ва туманлари томонидан турли навдаги қовунлар кўргазма-ярмаркаси намойиш этилади. Шунингдек, меҳмонлар учун театрлаштирилган томошалар, миллий либослар намойиши ва анъанавий таомлар тақдимоти ўтказилади.
Фестивалнинг асосий тадбирларидан бири сифатида россиялик хонанда МакSимнинг концерт дастури ҳам режалаштирилган. Бу ҳақда Ўзбекистон Республикаси Туризм қўмитаси матбуот хизмати хабар қилди.
