Футбол бўйича 2026 йилги жаҳон чемпионатининг ярим финалида Испания терма жамоаси Франция устидан 2:0 ҳисобида ғалаба қозониб, мусобақа финалига чиқди.
АҚШнинг Техас штати Арлингтон шаҳрида ўтказилган учрашувда испанияликларнинг ғалабасини Микель Оярсабаль ва Педро Порронинг голлари таъминлади. Оярсабаль ҳисобни пенальтидан очган бўлса, Порро иккинчи тўпни киритиб, жамоасининг устунлигини мустаҳкамлади.
Ушбу натижа билан Испания терма жамоаси сўнгги 16 йил ичида илк бор жаҳон чемпионати финалига йўлланма олди. Чемпионлик учун баҳсда испанияликлар Англия ёки Аргентина терма жамоасига қарши майдонга тушади.
Франция терма жамоаси эса сўнгги учта жаҳон чемпионати давомида биринчи марта ҳал қилувчи финал учрашувига чиқа олмади. Энди французлар мусобақанинг учинчи ўрни учун кураш олиб боради.
Шунингдек, Франция терма жамоаси бош мураббийи Дидье Дешам жаҳон чемпионатлари тарихида бош мураббий сифатида энг кўп — 26 та ўйинда жамоани майдонга олиб чиққан мутахассис сифатида рекорд ўрнатди.
