Футбол бўйича 2026 йилги жаҳон чемпионати иштирокчиси — Аргентина терма жамоасини мусобақадан четлатиш талаби илгари сурилган онлайн петиция 3,7 миллиондан ортиқ имзо тўплади.
Петиция муаллифлари ФИФА ва ҳакамлар Аргентина терма жамоаси ҳамда унинг етакчиси Лионель Мессига нисбатан холис муносабатда эмаслигини иддао қилган. Уларда мусобақа ғолиби олдиндан маълум бўлгани ҳақидаги фикрлар ҳам билдирилган ва Аргентина терма жамоасини чемпионатдан четлатиш таклиф этилган.
Айни пайтда мазкур петиция жамоанинг мусобақадаги иштирок мақомига таъсир кўрсатгани ҳақида расмий маълумот йўқ. ФИФА ҳам ушбу ташаббус юзасидан ҳозирча расмий муносабат билдирмаган.
Шу билан бирга, Аргентина терма жамоаси жаҳон чемпионатидаги иштирокини давом эттирмоқда. Жамоа чорак финалда Швейцарияни 3:1 ҳисобида мағлуб этиб, ярим финалга йўл олди. Энди аргентиналиклар финал йўлланмаси учун Англия терма жамоасига қарши баҳс олиб боради.
