- Advertisement -
Футбол бўйича 2026 йилги жаҳон чемпионатининг 1/8 финал босқичида Испания терма жамоаси Португалия устидан минимал ҳисобда ғалаба қозониб, мусобақанинг чорак финалига йўл олди.
АҚШнинг Техас штатидаги Арлингтон шаҳрида бўлиб ўтган баҳснинг асосий вақтида жамоалар ҳисобни оча олмади. Учинчи қўшимча дақиқада Испания ярим ҳимоячиси Микель Мерино ҳал қилувчи голни киритиб, жамоасига ғалабани тақдим этди.
Ушбу натижа ортидан Испания терма жамоаси ЖЧ-2026 чорак финалига йўлланма олди. Энди испанлар кейинги босқичда АҚШ ва Бельгия терма жамоалари ўртасидаги учрашув ғолиби билан куч синашади.
