Футбол бўйича 2026 йилги жаҳон чемпионатининг 1/8 финал босқичида Бельгия терма жамоаси АҚШ устидан 4:1 ҳисобида ишончли ғалаба қозониб, чорак финалга йўлланма олди.
Сиэтл шаҳрида бўлиб ўтган учрашувда бельгияликлар тўлиқ устунлик қилди. Шарль Де Кетеларе дубль муаллифи бўлган бўлса, Ханс Ванакен ва Ромелу Лукаку ҳам биттадан гол киритди. АҚШнинг ягона голига Малик Тиллман муаллифлик қилди.
Учрашув баҳсли вазиятлар билан ҳам ёдда қолди. АҚШ ҳужумчиси Фоларин Балогун аввалги ўйинда қизил карточка олганига қарамай, ФИФА интизом қўмитаси унинг дисквалификациясини АҚШ президенти Дональд Трампнинг тегишли мурожаати ортидан вақтинча кечиктиргани сабабли майдонга тушиш имконига эга бўлди. Бироқ ҳужумчи бу сафар самарали ҳаракатлари билан ажралиб тура олмади ва учрашув охирида алмаштирилди.
Мазкур мағлубиятдан сўнг АҚШ терма жамоаси мусобақадаги иштирокини якунлади. Шу тариқа, мезбон мамлакатлардан Канада ва Мексикадан кейин АҚШ ҳам жаҳон чемпионати билан хайрлашди.
Бельгия терма жамоаси эса чорак финалда Испанияга қарши майдонга тушади.
