Ўзбекистон Президенти Администрацияси раҳбари Саида Мирзиёева АҚШ Давлат котиби Марко Рубионинг Ҳиндистонга ташрифи муносабати билан Нью-Деҳли шаҳрида ташкил этилган расмий қабул маросимида иштирок этди.
Тадбир доирасида халқаро ҳамкорлик, савдо-иқтисодий алоқаларни ривожлантириш ва инвестициявий ҳамкорликни кенгайтириш масалалари муҳокама қилинди. Маросим турли давлатлар вакиллари ҳамда халқаро ҳамкорлар ўртасида мулоқот ва фикр алмашиш майдони вазифасини ўтади.
Саида Мирзиёева ўз чиқишида америкалик ҳамкорлар билан ўзаро манфаатли ҳамкорликни янада мустаҳкамлаш муҳим аҳамият касб этишини таъкидлади. Унинг қайд этишича, АҚШ билан савдо алоқаларини кенгайтириш ва мамлакат иқтисодиётига янги инвестицияларни жалб этиш бўйича мулоқотлар изчил давом эттирилмоқда.
