- Advertisement -
Ўзгидромет республика тоғли ва тоғ олди ҳудудларида сел ва сел-тошқин ҳодисалари юзага келиши мумкинлиги ҳақида огоҳлантирди. Синоптиклар маълумотига кўра, 8–12 май кунлари мамлакат ҳудудида кучли ёмғирлар кутилмоқда.
Энг юқори хавф Қашқадарё, Сурхондарё, Самарқанд, Навоий, Жиззах, Тошкент, Наманган, Фарғона ва Андижон вилоятларининг айрим туманларида прогноз қилинмоқда.
Хусусан, Заомин, Бахмал, Ургут, Бўстонлиқ, Паркент, Шоҳимардон, Сўх, Сариосиё ва бошқа ҳудудларнинг тоғли ва тоғ олди ҳудудларида сел-тошқин ҳодисалари кузатилиши мумкин.
Фуқаролар ва ҳудуд меҳмонларига эҳтиёт чораларига риоя қилиш, хавфли ҳудудларга сафар қилмаслик, шунингдек дарёлар, каналлар ва тоғ ёнбағирлари яқинида ҳушёр бўлиш тавсия этилди.
