- Advertisement -
Халқаро қидирувда бўлган уч нафар фуқаро Ўзбекистонга олиб келинди. Экстрадиция Ички ишлар вазирлиги маълумотига кўра, Интерпол Миллий марказий бюроси мувофиқлаштирувида амалга оширилган.
Идора маълумотига кўра, ушланганларнинг иккитаси фирибгарликда, яна бири эса одам савдоси билан боғлиқ жиноятда айбланмоқда.
Аниқланишича, улар жиноят содир этганидан сўнг Бирлашган Араб Амирликлари ҳудудига қочиб кетган. Тезкор тадбирлар натижасида уларнинг жойлашуви аниқланган.
Интерполнинг Абу-Дабидаги кўмаги билан учала шахс ушланган ва кейинчалик жавобгарликка тортиш учун Тошкент халқаро аэропортига олиб келинган.
