Энергетика вазирлигининг атом энергияси соҳасидаги ваколатлари белгиланди

2026 йил 21 апрелдаги ЎРҚ–1140-сонли Қонун билан «Атом энергиясидан тинчлик мақсадларида фойдаланиш тўғрисида»ги Қонунга муҳим ўзгартириш ва қўшимчалар киритилди. Мазкур ҳужжат соҳадаги давлат бошқарувини аниқлаштиришга хизмат қилади.

Асосий ўзгаришлар:

1. Вазирлар Маҳкамаси ҳузуридаги Атом энергияси агентлиги атом энергиясидан фойдаланиш соҳасидаги ваколатли давлат органи этиб белгиланди.
2. Энергетика вазирлиги Атом энергияси агентлиги билан биргаликда атом электр станциялари (АЭС) томонидан ишлаб чиқариладиган қувватларни ҳисобга олган ҳолда, мамлакатнинг электр энергияси балансини ишлаб чиқади.
3. Вазирлик соҳага доир давлат дастурларини ишлаб чиқиш жараёнларида бевосита иштирок этади.

Қонун расмий эълон қилинган кундан бошлаб кучга кирди.