- Advertisement -
Шавкат Мирзиёев Самарқанд вилоятига ишчи ташриф билан жўнаб кетди. Бу ҳақда давлат раҳбари матбуот хизмати хабар қилди.
Икки кунлик ташриф давомида Президент ҳудудларда амалга оширилаётган кенг кўламли бунёдкорлик ишлари билан танишиши режалаштирилган. Шунингдек, саноат, қишлоқ хўжалиги, туризм ва иқтисодиётнинг бошқа муҳим соҳаларидаги истиқболли лойиҳаларга алоҳида эътибор қаратилади.
Ташриф доирасида давлат раҳбари раислигида йиғилиш ўтказилиши ҳам кўзда тутилган. Унда Самарқанд вилоятини комплекс ривожлантиришга доир устувор вазифалар ва келгуси чора-тадбирлар муҳокама қилинади.
