11 март, чоршанба куни Қўшма Штатлар Ўзбекистонга навбатдаги депортация рейсини амалга оширди. Ушбу рейс орқали мамлакатда қолиш учун қонуний рухсатга эга бўлмаган 72 нафар Ўзбекистон фуқароси ватанга қайтарилди.
Маълум қилинишича, мазкур парвоз АҚШнинг ўз чегаралари хавфсизлигини таъминлашга қаратилган чора-тадбирлари доирасида амалга оширилган.
Расмий маълумотларга кўра, Президент Donald Trump лавозимга киришганидан буён Қўшма Штатлар ноқонуний миграцияга қарши кураш доирасида 1000 дан ортиқ Ўзбекистон фуқаросини депортация қилган.
АҚШ ҳудудига ноқонуний кирган шахслар қонунчиликка мувофиқ жиноий жавобгарликка тортилиши, жумладан қамоқ жазоси тайинланиши ҳамда мамлакатдан чиқариб юборилиши мумкин.
Шу билан бирга, Қўшма Штатлар депортация тадбирларини амалга ошириш жараёнида ҳамкорлик қилгани учун Ўзбекистон ҳукуматидан миннатдорлигини билдирган.
