2026 йил 3 март куни Ўзбекистон Республикаси Президентининг Фармонига мувофиқ, марҳум кичик сержант Эшназаров Хосилбек Бекназар ўғли “Жасорат” медали билан мукофотланди.
У Тошкент шаҳар Ички ишлар бош бошқармаси Йўл ҳаракати хавфсизлиги бошқармаси йўл-патруль хизмати инспектори сифатида фаолият юритган. Хизмат фаолияти давомида жиноятчиликка қарши курашиш, жамоат хавфсизлигини таъминлаш, фуқаролар осойишталигини сақлаш, йўл ҳаракати хавфсизлигини мустаҳкамлаш ва йўл-транспорт ҳодисаларининг олдини олиш борасида самарали меҳнат қилган.
Фармонда таъкидланишича, у муқаддас қасамёдига содиқ қолган ҳолда хизмат бурчини юксак шараф ва масъулият билан адо этган, мардлик ва фидойилик намунасини кўрсатган. Шунингдек, ёш авлодни Ватанга муҳаббат ва садоқат руҳида тарбиялашда фаол иштирок этган.
