Ўзгидромет маълумотларига кўра, 30 январь соат 20:00 дан 31 январь соат 20:00 гача республика ҳудудларида об-ҳаво ўзгарувчан бўлади.
Тошкент шаҳрида айрим вақтларда ёмғир ёғиши мумкин. Ғарбдан 3–8 м/с тезликда шамол эсади. Ҳаво ҳарорати кечаси 1° совуқдан 1° илиққача, кундузи эса 8–10° илиқ бўлади.
Қорақалпоғистон Республикаси ва Хоразм вилоятида ёғингарчилик кутилмайди. Айрим жойларда туман тушиши, йўлларнинг баъзи қисмларида яхмалак кузатилиши мумкин. Ғарбдан 7–12 м/с тезликда шамол эсади. Ҳарорат кечаси 0–5° совуқ, кундузи 0–5° илиқ атрофида бўлади.
Бухоро ва Навоий вилоятларида ҳаво ўзгарувчан бўлиб, айрим жойларда ёмғир ёғиши ва туман тушиши мумкин. Йўлларда яхмалак кузатилиши эҳтимоли бор. Шамол ғарбдан 7–12 м/с. Ҳарорат кечаси 2° совуқдан 3° илиққача, кундузи 6–11° илиқ бўлади.
Тошкент, Сирдарё, Жиззах ва Самарқанд вилоятларида ҳам айрим ҳудудларда ёмғир ва туман кузатилиши мумкин. Йўлларда яхмалак бўлиши эҳтимолдан холи эмас. Шамол ғарбдан 7–12 м/с. Кечаси ҳаво ҳарорати 2° совуқдан 3° илиққача, кундузи 6–11° илиқ бўлади.
Қашқадарё ва Сурхондарё вилоятларида ҳаво ўзгарувчан бўлиб, айрим жойларда ёмғир ва туман кутилмоқда. Йўлларда яхмалак кузатилиши мумкин. Ғарбдан 7–12 м/с тезликда шамол эсади. Ҳарорат кечаси 0–5° илиқ, кундузи 8–13° илиқ бўлади.
Андижон, Наманган ва Фарғона вилоятларида ёғингарчилик кутилмайди. Айрим жойларда туман тушиши, йўлларнинг баъзи қисмларида яхмалак бўлиши мумкин. Шамол ғарбдан 5–10 м/с. Ҳарорат кечаси 3° совуқдан 2° илиққача, кундузи 3–8° илиқ бўлади.
Республика тоғли ҳудудларида айрим жойларда қор ёғиши ва туман тушиши мумкин. Йўлларда яхмалак кузатилиши, шунингдек, қор кўчиши хавфи сақланиб қолмоқда. Ғарбдан 7–12 м/с тезликда шамол эсади. Ҳарорат кечаси 4–9° совуқ, кундузи 2° совуқдан 3° илиққача бўлиши кутилмоқда.
