Тошкент шаҳри ҳокимлиги ишчи гуруҳи томонидан бир неча кун аввал ўтказилган ўрганишлар натижасида реклама пешлавҳаларидан бири белгиланган тартибда тегишли рухсат ҳужжатларисиз ўрнатилгани реклама демонтаж қилинган.
Маълум бўлишича, мазкур реклама пешлавҳасида “Давлат тили тўғрисида”ги қонун талабларига зид равишда ахборот бериш қоидаларига риоя этилмаган. Шунингдек, “Реклама тўғрисида”ги қонун талаблари ҳам бузилгани қайд этилди.
Амалдаги қонунчиликка кўра, реклама ахборотлари Ўзбекистон Республикасининг давлат тилида тақдим этилиши шарт. Зарур ҳолларда бошқа тилларда ҳам ахборот берилиши мумкин, бироқ бунда давлат тилидаги матн устувор бўлиши ҳамда реклама материаллари қонуний асосда жойлаштирилиши лозим. Аниқланган қоидабузарликлар асосида рухсатсиз ўрнатилган реклама пешлавҳаси белгиланган тартибда демонтaж қилинди.
