Эндиликда Ўзбекистоннинг турли ҳудудларидан Хитой, Россия ва Марказий Осиё давлатларига мунтазам автобус қатновлари йўлга қўйилади. Бу ҳақида Транспорт вазирлиги матбуот хизмати хабар берди.
Мамлакатнинг турли ҳудудларидан қуйидаги халқаро йўналишларда автобус қатновларини ташкил этиш режалаштирилган:
Хитойга:
Нукус – Урганч – Бухоро – Урумчи.
Тожикистонга:
Самарқанд – Душанбе;
Бухоро – Душанбе.
Қозоғистонга:
Бухоро – Туркистон;
Урганч – Актау;
Фарғона – Олмаота (Тожикистон орқали).
Россияга:
Сурхондарё – Бухоро – Урганч – Нукус – Москва;
Урганч – Нукус – Уфа;
Нукус – Краснодар;
Тошкент – Уфа;
Тошкент – Краснодар.
«Мунтазам халқаро йўналишларда автобус ташувларини амалга оширишни истаган ташувчилар Транспорт вазирлигига хорижий ҳамкорлар билан паритет асосида келишилган ҳолда мурожаат қилишлари мумкин», – дейилади вазирлик хабарида.
