Урганч–Хива–Урганч йўналишида троллейбуслар ҳаракати қайта йўлга қўйилди

Хоразм вилояти ҳокимлиги Троллейбус бошқармасига қарашли юқори кучланишли электр симлари ва трансформаторларида тегишли таъмирлаш ишлари олиб борилаётганлиги сабабли жорий йилнинг 20-ноябридан Урганч – Хива – Урганч йўналишида ҳаракатланувчи троллейбуслар ҳаракати вақтинча tтўхтатилган эди. Транспорт вазирлигининг хабар беришича, ҳаракат қайта йўлга қўйилган.

“Хоразм троллейбус бошқармаси” ДК томонидан жорий йилнинг 30-ноябридан Урганч – Хива – Урганч йўналишида троллейбуслар ҳаракати қайта тикланиб, йўловчиларга хизмат кўрсатиш бошланди.

Мазкур йўналишда 8 та ҳаракат таркиби тонгги 6:45 дан 18:45 га қадар йўловчиларга хизмат кўрсатмоқда.