Ўзбекистон дунё иқтисодий эркинлик рейтингида нечанчи ўринни эгаллагани маълум бўлди. Тегишли рейтинг ҳар йили Wall Street Journal ва Heritage Foundation маркази томонидан ўтказиладиган тадқиқот натижаларига асосланади.
Марказий Осиёда Қозоғистон энг яхши кўрсаткичга эга — 71-ўрин. Қирғизистон эса ўз навбатида 115-ўринни эгаллади. Ўзбекистон 176 давлат орасида 109-ўринни банд этди.
Иқтисодий эркинлик индекси турли мамлакатларда иқтисодий фаолият эркинлиги даражасини баҳоловчи индексдир. У мулк ҳуқуқи, тадбиркорлик эркинлиги, савдони чеклаш ва меҳнат бозорини тартибга солиш каби кўрсаткичларга асосланади.
Иқтисодий эркинлик индекси мамлакатлар бўйлаб иқтисодий тизимларни солиштириш ва қайси сиёсат ва чоралар иқтисодий ўсиш ва бойлик яратишга ҳисса қўшишини аниқлаш учун фойдали восита бўлиши мумкин.
Ўзбекистон мазкур рейтингда 2021 йилда 108-ўринни, 2022 йилда эса 117-ўринни эгаллаган.
.
