Ҳумо тизимидаги узилишлар туфайли одамлар тўловларни амалга ошириш, пул ўтказмалари ва онлайн хизматлардан фойдаланишда қийинчиликларга дуч келаётгани ҳақида хабарлар тарқалди. Марказий банк мазкур хабарларга тушунтириш берди.
Унга кўра, сўнгги кунларда Ҳумо карталарининг айрим фойдаланувчилари тўловларни амалга оширишда, шунингдек, мобил (тўлов) иловаларидаги пул ўтказмаларида қийинчиликларга дуч келаётгани кузатилди.
Компания Марказий банкни вазиятдан хабардор қилиб, ҳодиса сабабларини аниқлаш учун барча зарурий чоралар кўрилаётганини маълум қилди.
Шунингдек, Марказий банк вазиятни барқарорлаштириш учун зарур чораларни кўриш, хусусан, карта эгаларининг ўз карталаридаги маблағларидан узлуксиз фойдаланишини таъминлаш мақсадида Ҳумо терминаллари ва банкоматлар ишлашига алоҳида эътибор қаратиш бўйича тавсиялар берди.
