Хитой шимоли-ғарбидаги барбекю ресторанида юз берган портлаш оқибатида камида 31 киши ҳалок бўлган 9 киши ҳибсга олинди. Маҳаллий вақт билан чоршанбага ўтар кечаси Инчуан шаҳрида содир бўлган портлашга газ сизиб чиқиши сабаб бўлганлиги тахмин қилинмоқда.
Президент Си Цзин пин қутқарув ишларида “барча саъй-ҳаракатлар” ва портлашни тергов қилишга чақирди. Фуянг барбекю ресторанининг эгаси ҳибсга олинганлар орасида бўлган, дея хабар беради давлат матбуоти. Портлаш Хитойда уч кунлик “Aждаҳо қайиқлари” фестивали байрами арафасида, кўплаб оилалар ва дўстлар байрам дастурхонига йиғилган вақтда юз берди.
Маҳаллий матбуотнинг хабар беришича, ҳалок бўлганлар орасида бир неча ўрта мактаб ўқувчилари ва нафақахўрлар ҳам бор. Ўлганлар сони ортиши кутилмоқда, камида етти киши яраланган, улардан бирининг аҳволи оғир, дея хабар бермоқда “Синхуа” ахборот агентлиги. Президент Си Цзинпин ярадорларни даволаш ва хавфсизлик чораларини кучайтиришда максимал саъй-ҳаракатларга чақирди.
