Туркия атроф-муҳит, шаҳарсозлик ва иқлим ўзгариши вазири Мурод Қурум ижтимоий тармоқ орқали Туркиянинг зилзиладан зарар кўрган 11 вилоятида жами 46 минг 300 та турар жой қурилиши бошланганини маълум қилди.
Мулозим табиий офатдан жабр кўрган жанубий ва жануби-шарқий ҳудудлар аҳолиси бир йил ичида тўлиқ уй-жой билан таъминланишига ишонч билдирди. 23 март куни мамлакат етакчиси илк уй пойдеворини қўйиш маросимида иштирок этган.
«Сўз берамиз – аҳоли баҳорни яна тинч ва осойишта кутиб олади», – деб ёзган Курум. – Хонадонлар бахтга тўлади. Президент Режеп Таййиб Эрдоған иштирокида 17 минг 902 турар-жой мажмуаси қурилишини назарда тутувчи кенг кўламли бунёдкорликнинг биринчи босқичи доирасида пойдевор қўйилади. Табиий офат маркази – Қаҳрамонмараш вилоятида 7 353 та янги уй тикланади.
