- Advertisement -
Хитойда коронавирус касаллигининг кўпайишига COVID-19 нинг аввалги барчага маълум бўлган штаммлари сабаб бўлмоқда, деб хабар қилмоқда Bloomberg вирус геномлари глобал базаси (GISAID) маълумотларига таяниб.
«Ҳозирда қандайдир янги вариант пайдо бўлганини исботловчи ҳеч қандай далил йўқ», – деган GISAID бош ижрочи директори Питер Богнер.
Сўнгги кунларда Хитойнинг биргина Чжэцян провинциясида миллиондан зиёд киши коронавирус билан хасталанган. Ҳудуд ҳукумати касалликнинг энг юқори чўққиси йилнинг охирги кунларига тўғри келишини ва кунлик беморлар сони икки миллионга етишини прогноз қилмоқда.
Чжэцзян провинциясида 65 миллиондан ортиқ аҳоли яшайди. Айни пайтда бу ерда 13,5 минг кишида COVID-19 аниқланган ва улар шифокорлар назоратида турибди.
