«Жорий йилнинг 27-28 октябрь кунлари пойтахтимизда Туркий давлатлар ташкилоти транспорт вазирлари мажлиси якунлари бўйича икки муҳим ҳужжат келишилди.
Булар: Ўзбекистон томонидан илгари сурилган “Туркий давлатлар ташкилотига аъзо давлатлар ўртасида халқаро аралаш юк ташиш тўғрисида Битим” ва «Ўзбекистон Республикаси Транспорт вазирилиги томонидан ишлаб чиқилган Транспорт соҳасида ўзаро боғлиқлик дастури”.
Мазкур ҳужжатлар Туркий давлатлар ташкилотига аъзо давлатлар раҳбарларининг саммити давомида имзоланиши кутилмоқда», — деди транспорт вазири ўринбосари Жасурбек Чориев.
Шунингдек, Ўзбекистон Республикаси Транспорт вазирлиги ҳамда Туркиянинг транспорт ва инфратузилма вазирлиги рухсатнома бланкаларини электрон (E-permit) айирбошлаш тизими лойиҳасининг тўлақонли фаолиятига старт берилди.
Жасурбек Чориевнинг журналистларга маълумот беришича, Ўзбекистон туркий давлатлар ташкилотига аъзо давлатлар портларидан юк ташишни ташкил этишда фаол фойдаланмоқда.
«— Статистик маълумотларга кўра, ўтган йилнинг 9 ойига нисбатан Ўзбекистоннинг Қозоғистон ва Туркманистон портлари иштирокида юк ташиш ҳажми икки баробардан кўпроққа, яъни 337 мингдан тоннадан 701 минг тоннага ошган».
