Ўқишни кўчириб бериш ҳамда ўқишга киритиб қўйиш билан боғлиқ фирибгарлик ҳолати фош этилди.
Маълум бўлишича, Бош прокуратура ҳузуридаги Департаментнинг Олот тумани бўлими томонидан терговга қадар текширув ўтказилган.
Натижада фуқаро М.Т. фуқаро Н.А.нинг қизини танишлари орқали қўшни Қозоғистон Республикасидаги олий таълим муассасасига ўқишга киритиб қўйиш эвазига 1 минг 250 АҚШ долларини ҳамда фуқаро А.Б.ни Қозоғистон Республикаси университетидаги ўқишини Ўзбекистондаги олий таълим муассасаларидан бирига кўчириб беришини айтиб 2 минг АҚШ долларини фирибгарлик йўли билан қўлга киритганлиги аниқланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
