Бугун Тошкент шаҳрида Финляндия таълим методикаларини ўқитишга қаратилган ўқувлар бошланди.
Ўқувларга 14 та таянч мактабларининг 140 нафар ўқитувчилари, ҳудудий малака ошириш марказларининг 40 нафардан ортиқ тренерлари ва методистлар, педагогика ОТМларининг професор-ўқитувчилари жалб қилинган.
Кейинги 6 кун давомида устозлар учун махсус малака ошириш жараёнлари ташкил этилади.
Жараёндан тўғридан-тўғри репортажларни Фейсбукдаги Вазирлик саҳифасидан кўриш мумкин.
Шунингдек, «Домлажон » каналида ҳам батафсил маълумотлар берилмоқда.
Бу малака ошириш курслари катта жараёнларнинг бошланишидир. Кейинги ойларда жойларда педагогларни янги методикаларга ўқитиш ишлари давом эттирилади. Ҳар бир ҳудудида “Замонавий жамият учун замонавий таълим” шиори остида йирик анжуманлар ташкил этиб борилиб, ушбу анжуманларда амалга оширилаётган ишлар борасида ўқитувчиларга, ота-оналарга ва кенг жамоатчиликка ахборот бериб борилади.
