Олий таълим тизимига қабул бўйича имтиҳонлар бошланиши билан ўқишга киритиб қўйишни «башорат» қилувчи «уддабурон»лар кўпаяди.
Айримлар фарзандининг билими, иқтидори ёки лаёқатига эмас, балки ўзининг ҳамёнига «ишониши» ҳам ачинарли ҳол.Фуқаро М.З. фуқаро А.Х.нинг жиянини ўзини юқори лавозимда ишловчи танишлари орқали Андижон давлат тиббиёт институтига ўқишга олиб киритиб қўйишини айтади.
Бунинг эвазига сўралган 10 минг АҚШ доллари миқдоридаги пулларни (кимёвий ишлов берилган) Андижон шаҳридаги «Пушкин» номли истироҳат боғи олдида олаётган вақтида ИИБ ходимлари томонидан ашёвий далиллар билан қўлга олинди.
Мазкур ҳолат юзасидан Андижон шаҳар ички ишлар органлари ФМБ ҳузуридаги тергов бўлими томонидан томонидан М.З.га нисбатан Жиноят кодексининг 168-моддаси 3-қисми «а» банди (фирибгарлик) билан жиноят иши қўзғатилиб, у процессуал тартибда ушланган.
ИИВ ҳузуридаги Тергов департаментидан маълум қилишларича, жиноят иши доирасида жиноятнинг келиб чиқиш сабаблари ўрганилиб, ҳуқуқий баҳо берилиши таъминланади. Ҳозирда тергов ҳаракатлари олиб борилмоқда.
