6-8 февраль кунлари кунлари БААда таэквондонинг WT йўналиши бўйича анъанавий “Fujairah Open” мусобақасида Ўзбекистон шарафини 11 нафар таэквондочимиз ҳимоя қилиб, 4та олтин, битта кумуш ва иккита бронза медалини қўлга киритган ҳолда умумжамоа ҳисобида 1-ўринни эгаллашди.
Спортчиларимиз Ислом Каримов номидаги Тошкент халқаро аэропортида муносиб тарзда кутиб олинди. Маросимда Мудофаа вазирлиги ҳамда Ўзбекистон таэквондо WT ассоциацияси мутасаддилари, спортчиларнинг яқинлари ва ОАВ ходимлари иштирок этишди.
Таъкидлаш керак, “Fujairah Open -2022” халқаро турнири Олимпия рейтинг мусобақалари тоифасига мансуб бўлиб, унда ғолиб ва совриндор бўлган спортчилар қимматли рейтинг очколарига эга бўлишади. Мисол учун, мусобақада олтин медалга сазовор бўлган Улуғбек Рашитов Париж-2024 олимпиадаси учун ўз ҳисобига 20 рейтинг очкосини қўшиб қўйди.
