FAO (The Food and Agriculture Organization — Бирлашган миллатларнинг Озиқ-овқат ва қишлоқ хўжалиги ташкилоти) 2021 йил учун Глобал очлик индекси рейтингини эълон қилди. Унда Ўзбекистон энг яхши кўрсаткичга эга бўлган мамлакатлар орасида 21 ўринни эгаллади (2020 йил — 30 ўрин).
Беларусь, Босния ва Герцеговина ҳамда Бразилия рейтингда энг юқори поғонада бўлса, энг кичик кўрсаткичлар Сомали, Сурия ва Жанубий Суданда кузатилмоқда.
Қўшниларимиздан Қозоғистон 28 ўрин, Қирғизистон 40 ўрин, Туркманистон эса 48 ўринда.
Глобал очлик индекси тўртта кўрсаткич бўйича аниқланади: тўйиб овқатланмайдиган аҳоли улуши; беш ёшгача бўлган вазни меъёрдан паст болалар улуши; беш ёшгача бўлган бўйи меъёрдан паст болалар улуши; беш ёшгача бўлган болаларнинг ўлим даражаси.
