26 май куни ўтказилган рейдда, жиноят ва ҳуқуқбузарлик содир этишга мойил 472 шахс ИИО ва таянч пунктларига олиб келиниб, текширувдан ўтказилди, дея хабар берди Самарқанд вилояти ИИБ Ахборот хизмати.
Рейд якунида 6 нафар муқаддам судланган шахсларга нисбатан маъмурий назорат ўрнатилди. 2 нафар жамоат жойида майда безорилик содир этган шахсга нисбатан Самарқанд шаҳар ЖИБ суди томонидан 3 сутка маъмурий қамоқ жазоси тайинланди, 8 нафар спиртли ичимликка ружу қўйган шахслар СВНД шифохонасига жойлаштирилди. 9 нафар енгил табиатли аёлларга нисбатан тегишли ҳужжатлар расмийлаштирилди. 379 та автотранспорт воситалари текширувдан ўтказилди.
Шундан, 9 та маст, 20 та ҳужжатсиз, 14 та ойналари тусини рухсатномасиз қорайтириб автотранспорт бошқарган ҳамда 63 та бошқа турдаги ҳуқуқбузарликлар содир қилган ҳайдовчиларга нисбатан маъмурий баённома расмийлаштирилди.
